Пред дербито да донесе радост за Милан, на „Сан Сиро“ имаше и солзи. Кака не успеа да ги задржи емоциите при приемот во клупската Куќа на славните, на церемонијата одржана на теренот пред саботниот дуел со Интер.
Вечерта доби уште поубаво продолжение за поранешниот бразилски ас: неговиот Милан го совлада градскиот ривал со 3-1.
За Кака, последниот фудбалер што ја освоил „Златната топка“ како играч од Серија А, враќањето пред навивачите на „росонерите“ имаше посебна тежина.
„Многу е тешко со зборови да го опишам тоа што го чувствувам кога сум тука, на ’Сан Сиро‘, со сите навивачи на Милан. Ова е посебен ден за мене“, изјави тој за ДАЗН по добивањето на признанието.
Just look at what Milan means to Kaka 🥹
The club legend is brought to tears on the San Siro pitch after being inducted into the Milan hall of fame 🔴⚫️
Don’t miss the Derby della Madonnina streaming on @paramountplus 🏟️ https://t.co/4VQ7m7ZExE
— CBS Sports Golazo ⚽️ (@CBSSportsGolazo) October 31, 2026
Разговорот се сврте и кон составот на Милан. Прашан дали би сакал повторно да гледа повеќе Бразилци во клубот, Кака ја поддржа таа идеја, но не ги заборави ниту сегашните фудбалери.
„Сакам да гледам Бразилци во најголемите клубови и би сакал повторно да ги има во Милан! Многу ми се допаѓа и Лука Модриќ, кој ми е и пријател“, порача Бразилецот.
Пофалба доби и Кристијан Пулишиќ. Според Кака, за Американецот би можела повторно да се пее старата навивачка песна посветена на Андриј Шевченко, со стихот „не е Бразилец, но…“.
Фото: Евгений Асмолов / Wikimedia Commons, CC BY-SA 3.0
Учество во игри на среќа е дозволено за лица со 18+ години. Играј одговорно!