Фудбалската репрезентација на Бугарија ќе мора да бара нов селектор откако Александар Димитров си поднесе оставка поради незадоволителниот старт во Лигата на нациите.
Во првите две средби, коишто се одиграа во Пловдив, Бугарите освоија само еден бод. Прво беа поразени од Луксембург со 2:1, а потоа одиграа нерешено без голови против Естонија.
Димитров ја објави својата одлука веднаш по втората средба, изјавувајќи го своето незадоволство од играта и неспроведувањето на подготвениот план од неговиот тим.
“Играта беше многу хаотична. Подготвениот план не се спроведе и не успеавме да создадеме притисок во нападот. Тоа значи дека го загубивме доверението на играчите. Со ваква игра и вакви резултати мора да завршиме. Благодарен сум на Фудбалската федерација за укажаната можност”, изјави Димитров.
Под водство на Димитров, репрезентацијата на Бугарија одигра десет натпревари, постигнувајќи три победи, две нерешени резултати и пет порази.
Сега за Бугарија следуваат две гостувања. Во сабота ќе играат против Исланд во Рејкјавик, а три дена подоцна против Луксембург. Исланд со победата од 3:0 над Луксембург го презеде првото место во групата.
Учество во игри на среќа е дозволено за лица со 18+ години. Играј одговорно!