Претседателот на Ла Лига, Хавиер Тебас, остро реагираше на критиките кои доаѓаат од Реал Мадрид и неговата околина, особено во однос на судењето и регуларноста на натпреварувањето.
„Кога работите не одат добро во клубот, сè што се движи е критикувано, а тоа е срамно. Тоа е недостаток на почит кон сите – Ла Лига, клубовите и навивачите“, изјави Тебас.
Тебас посебно реагираше на тврдењата дека натпреварувањето е „наместено“, како и на ситуацијата со Џуд Белингем.
„Не можам да разберам како можат да велат дека натпреварувањето е наместено. Некои луѓе очигледно гледаат на инцидентот со Белингем низ поинакви очила. Нема шанси тоа да биде црвен картон“, порача претседателот на Ла Лига.
Тој се осврна и на инцидентот со Ли Канг-ин, за кој смета дека можело да биде досуден црвен картон, но дека ситуацијата не била толку очигледна како што се претставува.
„Што се однесува до инцидентот со Канг-ин, можеше да биде црвен картон, но не беше толку очигледно како што некои го претставуваат“, додаде Тебас.
Учество во игри на среќа е дозволено за лица со 18+ години. Играј одговорно!