Тухел го објави списокот на Англија, врати две големи имиња во репрезентацијата

Селекторот на фудбалската репрезентација на Англија, Томас Тухел, го објави списокот на играчи за претстојните натпревари во Лигата на нации.

Англија прво на 26 септември ќе ја пречека Шпанија, потоа ќе гостува кај Чешка (29 септември) и Хрватска (3 октомври), а на крајот ќе игра дома со Чешка (6 октомври).

Кол Палмер и Трент Александар-Арнолд, кои не беа на списокот за Светското првенство, се враќаат во националниот тим.

За разлика од нив, на списоците повторно нема да го видиме Фил Фоден, како и повредениот Рис Џејмс.

Младиот осумнаесетгодишен напаѓач од Ливерпул, Рио Енгумоа, е дел од составот, заедно со играчот од средниот ред на Борнмут, Алекс Скот.

Англија го освои третото место на Светското првенство оваа година, што претставува најдобар резултат од 1966 година наваму.

Сепак, Тухел се соочуваше со критики за неговото водење на тимот за време на полуфиналниот пораз од Аргентина, кога Англија водела со 1:0 до 85-та минута, но на крајот загуби со 2:1.

Списокот на Тухел за натпреварите во Лигата на нации е:

Голмани: Џордан Пикфорд, Џејсон Стиљ, Џејмс Трафорд;

Одбрана: Трент Александар-Арнолд, Џеред Брендвејт, Трево Чалоба, Марк Гехи, Луис Хол, Езри Конса, Тино Ливраменто, Нико О’Рајли, Џарел Кванса;

Среден ред: Елиот Андерсон, Џуд Белингем, Мајлс Луус-Скели, Коби Мајноу, Кол Палмер, Деклан Рајс, Алекс Скот;

Напаѓачи: Хари Кејн, Доминик Калверт-Луин, Еберечи Езе, Ентони Гордон, Рио Енгумоа, Маркус Рашфорд, Морган Роџерс, Букајо Сака.