Грчки клуб доживеа дебакл, па го промени логото

Грчкиот клуб Панцераикос, по најтешкиот пораз во својата историја, презеде необичен чекор на социјалните мрежи.

Имено, откако во натпреварот од Купот загубија од АЕК со резултат 8:1, раководството на клубот одлучи да ја промени профилната слика на официјалните канали и да го обои својот препознатлив грб целосно во црно.

Иако не беше издадено официјално објаснување за овој потег, промената на визуелниот идентитет беше јасно разбрана како симболичен гест на жалост и длабоко разочарување поради катастрофалниот резултат.

Познатите црвено-бели бои се привремено заборавени, а оваа необична реакција на клубот брзо се прошири на социјалните мрежи и привлече големо внимание во фудбалската јавност низ цела Европа.