Мурињо повторно се спаси, па го „пецна“ еден од најдобрите: Не си незаменлив

Вистинска драма се одвиваше вечерва на натпреварот помеѓу Елче и Реал Мадрид, но со малку среќа гостите од шпанската престолнина стигнаа до победа (3:2).

Жозе Мурињо по натпреварот изјави:

„Добра работа е што никому не може да му биде досадно додека го гледа Реал Мадрид. Нашите натпревари навистина се забавни!”, рече Португалецот и продолжи:

„Проблемот ми е сосема јасен. Натпреварите изгледаат како да се завршени, но не се. Имаме три, четири или пет шанси да ги решиме и не ги искористуваме. Тогаш сè изгледа лесно, но ние веќе немаме контрола врз натпреварот. На стадионите во Шпанија, кои секогаш се полни, доволен е само еден гол за натпреварот целосно да се отвори и тогаш можеме да загубиме бодови.”

Посебно го истакна младиот Арда Гулер, велејќи дека ни тој, а ни било кој друг не е незаменлив. Многумина го прашаа зошто го извади Турчинот од игра кога играше одлично, по што дојде до пад во играта на Реал.

„Гулер не е незаменлив. Никој не е незаменлив. Имавме изморени играчи и моравме да направиме промени. Кога воведувам свежиот Џуде и свежиот Брахим на теренот, тоа е затоа што почувствував дека губиме контрола над натпреварот.”