Фудбалската федерација на Македонија (ФФМ) соопшти дека во продажба се пуштени билетите за гостинскиот натпревар на македонската репрезентација против Словенија.
Средбата од новиот циклус во Лигата на нации е закажана за 29 септември на стадионот „Стожице“ во Љубљана, со почеток во 20.45 часот. За македонските навивачи е предвиден посебен сектор, а билетот ќе чини 1.600 денари.
Се очекува влезниците за гостинскиот сектор брзо да бидат распродадени, имајќи го предвид големиот интерес за натпреварот, но и бројната македонска дијаспора која живее во Словенија и околните земји.
Дуелот во Љубљана ќе биде особено значаен за македонската репрезентација, бидејќи доаѓа само три дена по домашниот натпревар против Швајцарија. Избраниците на селекторот Гоце Седлоски прво ќе ги пречекаат Швајцарците, а потоа ќе отпатуваат за Љубљана на гостувањето кај Словенија.
Учество во игри на среќа е дозволено за лица со 18+ години. Играј одговорно!