Роберт Левандовски верува дека Барселона во новата сезона може да има поинаков и посериозен настап во Лигата на шампионите, а како главна причина го посочува искуството кое го стекнал младиот дел од тимот.
„Оваа сезона би можела да биде поинаква“, изјави полскиот напаѓач, говорејќи за амбициите на каталонскиот гигант.
Според Левандовски, освојувањето на Лигата на шампионите е голем сон за Барселона, а младите фудбалери кои пред две или три години сè уште беа на почетокот од своите кариери сега имаат значително повеќе искуство.
„Лигата на шампионите е сон за Барселона. Некои играчи кои пред две или три години сè уште беа многу млади, сега стекнаа искуство“, истакна Левандовски.
Полјакот се надева дека Барселона ќе има храброст отворено да атакува на европскиот трофеј и конечно повторно да се најде на врвот на Европа.
„Се надевам дека ќе се обидат да ја освојат Лигата на шампионите и дека ќе можат да го прослават трофејот“, порача Левандовски.
Учество во игри на среќа е дозволено за лица со 18+ години. Играј одговорно!