Габриел Мартинели повеќе не е играч на Арсенал. Според информациите на Фабрицио Романо, тимот од Лондон го продаде за дури 65 милиони евра.
Договорот со Ал Хилал е постигнат, а вкупната вредност на трансферот изнесува дури 65 милиони евра, вклучувајќи и бонуси.
Мартинели веќе претходно беше предмет на сериозен интерес од Ал Хилал, а последниве денови преговорите значително се забрзале.
Скај Спортс уште претходно објави дека Арсенал и Ал Хилал напредувале во преговорите, додека Бразилецот сериозно размислувал за можноста да замине во Саудиска Арабија.
Сега работата, според Романо, практично е завршена и Мартинели би требало да отвори ново поглавје во својата кариера во Саудиската Про лига.
За Арсенал ова е значајна зделка, особено бидејќи се работи за играч кој со години беше дел од тимот на Емирејтс и ја освои Премиер лигата со лондонскиот клуб.
Со овој трансфер, Ал Хилал продолжува со своите амбициозни планови и доведува уште едно големо име од Премиер лигата.
Учество во игри на среќа е дозволено за лица со 18+ години. Играј одговорно!