Арсенал раскина со крилниот играч!

Иако имаше уште една година договор со Арсенал, Реис Нелсон повеќе нема да биде играч на овој клуб.

Тој спогодбено го раскинал договорот со клубот од „Емирејтс“, и од денес е официјално слободен играч за избор на нова средина.

Овој крилен играч минатата сезона ја помина во Брентфорд, но забележа само 13 настапи во сите натпреварувања.

Неколку клубови се заинтересирани за услугите на овој 26-годишник, а пред сè се споменува Вест Хем. 

Во досегашната кариера беше само играч на Арсенал, а на позајмици одеше во Хофенхајм, Феенорд, Фулам и Брентфорд.