Јувентус постигна целосен договор со Волфсбург за трансферот на Камил Грабара.
Според Флориан Плетенберг, полскиот репрезентативец пристигнува во Торино на заем, а во договорот помеѓу двата клуба постои опција за купување за 12 милиони евра. Грабара веќе пристигна во Италија и во следните часови треба да помине медицински прегледи.
Порано денес, Јувентус официјално го испрати Микеле Ди Грегорио на заем во Борнмоут. Според Фабрицио Романо, и во оваа зделка постои опција за купување за 14 милиони евра.
По истата шема, “бјанконерите” го привлекоа и Гулиелмо Викарио од Тотенхем. Тој исто така е на заем со опција за купување за 10 милиони евра. Планот е италијанецот да биде прв на голот на Јуве, а Грабара да биде втор избор. Матиа Перин, пак, треба наскоро да го финализира својот трансфер во Палермо.
Грабара беше привлечен од Волфсбург пред две години, кога клубот плати 13,5 милиони евра за него од Копенхаген. Полјакот беше сопственост на Ливерпул во периодот 2016-2021, но беше позајмен на други тимови и никогаш не одигра официјален натпревар за “мрсисајдерите”.
Учество во игри на среќа е дозволено за лица со 18+ години. Играј одговорно!