Oва може да биде еден од трансферите на летотот – Осимен во Премиер лигата!?

Виктор Осимен може конечно да се пресели во Премиер Лигата и тоа во Арсенал!

Неколку медиуми објавија дека Арсенал и Галатасарај се во преговори за Габриел Мартинели, но во исто време, тие го искористија моментот за да се информираат и за можностите околу Осимен.

Летово, нигерискиот фудбалер се доведуваше во врска со многу клубови, вклучувајќи ги Тотенхем и Атлетико Мадрид, но немаше конкретни преговори.

Тренерот на Арсенал, Микел Артета, го изрази интересот да добие уште еден одличен напаѓач покрај Виктор Ѓокереш, а вниманието го насочи кон Осимен.

Се шпекулира дека Галатасарај би го продал за сума од помеѓу 75.000.000 и 85.000.000 евра, што не претставува пречка за Арсенал.

Осимен минатото лето се приклучи на екипата за 75.000.000 евра од Наполи, по завршувањето на едногодишната позајмица во турскиот клуб.

Овој 27-годишен напаѓач е докажан голгетер, со неколку одлични сезони зад себе.

Во дресот на Галатасарај одигра 74 натпревари со импресивен биланс од 59 голови и 16 асистенции, покажувајќи дека турската лига ја има надминато.

Ќе видиме дали Галата ќе прифати некаква размена, со доплата, бидејќи Арсенал се подготвени да го продадат Бразилецот за 45.000.000 евра.