Официјално: Челси претстави ново засилување кое потпиша до 2033 година 

Челси официјално доби ново засилување за сезоната 2026/27. Аргентинскиот репрезентативец Валентин Барка пристигна од францускиот Стразбур и потпиша долгорочен договор со лондонскиот клуб кој важи до летото 2033 година.

Веста беше потврдена од самиот клуб, со што заврши повеќемесечната приказна за трансферот на талентираниот фудбалер на „Стамфорд Бриџ“.

Барка, кој може да игра на позицијата лев бек, но и во средниот ред, има одлична сезона зад себе во дресот на Стразбур, каде го потврди огромниот потенцијал. Неговите игри привлекоа внимание на челниците на Челси, кои одлучија да го донесат како едно од клучните засилувања во проектот на новиот тренер Чаби Алонсо.