Гатузо започна со промените: Големото засилување и стандардниот член во првиот тим, се сели на клупа!

Џанаро Гатузо доби прилика да го предводи својот сакан Милан.

Легендата на „росонерите“ го наследи Виченцо Монтела и ќе го превземе клубот кој се наоѓа на седмото место со само 20 бодови после 14 кола.

Сопствениците на клубот се очајни и сметаат дека токму оваа италијанска легенда може да го врати клубот на самиот врв во Серија А. Меѓутоа, многу дол пат е пред него и тоа треба да им биде јасно на сите.

Поранешниот играч од средината на „росонерите“ ќе добие прилика да ја води екипата до крајот на сезоната, а темпераментниот Гатузо веднаш одлучи да направи одредени промени.

Имено, Милан во 15 коло гостува кај тимот на Беневенто, екипа која не освои ниту еден бод во досегашниот дел од шампионатот и е најлоша во Европа. Сепак, и покрај тоа стратегот на Милан овој натпревар го сфаќа многу сериозно.

На последниот тренинг Гатузо одлучи да проба нова тандем во средниот ред. Се очекува Милан да излезе во формација 3-4-3, а во срцето на средината веројатно ќе се најдат Лукас Биља и Рикардо Монтоливо.

Тоа значи дека место во првите 11 кај Гатузо нема да добие големото засилување од Аталанта, Франк Кеси кој беше стартер на секој натпревар кај Монтела.