Чаби Алонсо подготвува големо изненадување, Челси тргна по 35-годишен напаѓач!

Иако Чаби Алонсо е тој што иницира интерес за овој играч, навивачите на Челси ќе бидат пријатно изненадени кога ќе слушнат за кого станува збор.

Челси започна разговори околу можноста за трансфер на Дани Велбек од Брајтон, информира реномираниот The Athletic.

Искусниот напаѓач е на листата на желби на лондонскиот клуб, а според информациите од Киран Гил, заинтересираноста на Челси во овој момент е сè уште во почетна фаза.

🚨 Chelsea exploring move to sign Danny Welbeck from Brighton & Hove Albion. Terms end 2027 & #BHAFC aware of interest. Early stage but optimism on all sides deal can be done; quality + leadership appeals to Alonso / #CFC @TheAthleticFC post @kierangill_DM https://t.co/wVkn0vcK7h

— David Ornstein (@David_Ornstein) July 27, 2026

Брајтон е запознаен со интересот, а оптимизмот е присутен од сите страни дека договорот може успешно да се реализира.

Во моментов, Велбек има договор со Брајтон до 2027 година, но Челси се надеваат дека ќе ги најдат условите за да го донесат искусниот напаѓач на Стамфорд Бриџ.

Посебно се вреднуваат неговите вештини, искуството и лидерските способности, што се одлики кои на тренерот Алонсо му се многу важни.

Челси има за цел да ја засили својата офанзивна линија, а Велбек би донел искуство во играта на највисоко ниво во Премиер лигата.

Иако се работи за играч кој е во позрела фаза на кариерата, во Челси веруваат дека неговото искуство ќе биде од значителна корист за тимот.