Jувентус најде ново засилување во одбраната, тргнува по англиски репрезентативец!

Тимот од Торино, Јувентус, целосно е фокусиран на засилување во централната одбрана, со што името на Џон Стоунс се покажува како главен кандидат, според извештаите од италијанските медиуми.

Дел од медиумите меѓу кои и реномираниот новинар Џанлука ди Марцио известува за иницијативата на Јувентус да оствари контакт со Стоунс, со цел да поразговараат за личните услови на договорот.

Со оглед на тоа дека Бремер е близу до трансфер во Галатасарај, Јувентус се соочува со тешкотии во намалувањето на цената од 25 милиони евра што Болоња ја бара за Колумбиецот Лукуми.

Триесет и двегодишниот Стоунс го напушти Манчестер Сити на крајот од јуни, откако помина десет години на Етихад, за време на кои ги освои сите можни трофеи.

Стоунс неодамна го освои бронзениот медал на Светското првенство со англискиот национален тим и се чини дека интерес покажа и од страна на Арсенал.