Ливерпул минатата сезона се обиде да го донесе за 90 милиони евра, а ПСЖ сега бара 165 милиони

Ливерпул се обидува да го договори трансферот на Брадли Баркола (23) од Пари Сен-Жермен. Францускиот репрезентативец јасно стави до знаење дека не сака да го продолжи договорот со европските шампиони и е отворен за премин на „Енфилд“. Ливерпул го следи подолго време, но цената која ја постави ПСЖ е многу висока.

ПСЖ е спремен да го продаде играчот, но Баркола има договор уште две години. Парискиот клуб затоа смета дека оштетата од околу 165 милиони евра е реална проценка, базирана на неговата возраст, потенцијал и моменталните пазарни движења. Ливерпул ќе се обиде со преговори да го намали овој износ. Минатото лето, кога првпат воспоставија контакт со неговите агенти, вредноста на играчот се проценуваше на околу 90 милиони евра.

Рекордниот износ што Ливерпул го платил за играч изнесува 145 милиони евра. Толку минатата сезона издвојуваше за Александра Исака.

Баркола нема статус на стандарден првотимец во тимот на Луис Енрике, а неговата позиција дополнително ќе биде загрозена со планираното доаѓање на Јан Диоманде од РБ Лајпциг. Сепак, за Диоманде сега се интересира Реал Мадрид, кој во петокот го објави својот интерес за репрезентативецот на Брегот на Слоновата Коска.