Луда понуда: Арсенал на Винисиус му ја нуди најголемата плата во клупската историја!

Дали Винисиус Жуниор, еден од најдобрите фудбалери на светот, ќе го напушти Реал Мадрид? Ова прашање сè повеќе се поставува во Англија и во Шпанија, откако стана јасно дека Арсенал покажал сериозен интерес за услугите на бразилскиот фудбалер.

Англискиот шампион се стреми да го донесе на своите редови овој врвен фудбалер, кој влезе во последната година од договорот со Реал Мадрид.

Наводите за овој можен трансфер добиваат тежина преку веста која ја објави британскиот „Телеграф“, во која се споменува потенцијалната плата која Винисиус би ја имал во Арсенал, доколку се одлучи за селидба во Лондон.

🚨🚨| BREAKING: Arsenal are ready to offer Vinicius Junior over £𝟒𝟎𝟎,𝟎𝟎𝟎 per week — the 𝐁𝐈𝐆𝐆𝐄𝐒𝐓 salary in the club’s history. 🤯

The Gunners have decided the financial aspect will 𝐍𝐎𝐓 be a problem in their pursuit of Vini Jr.

[@TeleFootball] pic.twitter.com/myf7vZ3Nkp

— CentreGoals. (@centregoals) July 26, 2026

Според истиот извор, неделната плата би можела да изнесува околу 470 илјади евра, што би била највисоката во историјата на клубот.

Она што ги охрабрува Топџиите е фактот дека Винисиус веќе подолг период не успева да постигне нов договор за продолжување на својот престој со Реал Мадрид.

До сега, за Реал Мадрид постигна вкупно 128 голови на сите официјални натпреварувања.