Oскар додека играл во Кина не ја трошел платата, откри како живеел

Поранешниот бразилски фудбалер Оскар кој неодамна ја заврши својата кариера, го изненади бразилското и светското фудбалско опкружување со неговото последно признание.

Како што објасни Оскар, тој не потрошил ниту една пара од вкупната сума од неверојатни 205 милиони евра што ги заработил играјќи во Кина.

Оскар замина во Кина кога таму започна фудбалската експанзија, отприлика пред десет години. Тогаш ја напушти екипата на Челси и потпиша договор со Шангај СИПГ за 60 милиони евра.

🚨 Поранешниот врскаш на Челси, Оскар, открил дека не потрошил ниту еден фенинг од наводната плата од 175 милиони фунти што ја заработи за време на престојот во Кина. 🤯💰🇧🇷

🗣️ “Целата плата ја ставив на засебна сметка и никогаш не ја допрев. Моето семејство и јас живеевме од бонусите за натпреварите… pic.twitter.com/qysn0ppiDA

— Transfer News Live (@DeadlineDayLive) July 14, 2026

Тогаш потпиша и богат договор со тимот од Шангај, а денеска сите ги изненади со изјавата дека секој цент заработен во Кина и понатаму стои на посебна сметка.

“Целата плата ја ставив на посебна сметка и никогаш не ја допрев. Мојата фамилија и јас живеевме од бонусите за натпреварите кои беа и така огромни”, изјави Оскар во подкастот The Obi One.

Оскар постигна вкупно 77 голови и 142 асистенции во 248 настапи за Шангај, освојувајќи три пехари во кинеската Суперлига и еден кинески куп.

Поранешната ѕвезда на Челси ја напушти Кина во 2024 година и се врати во својот матичен клуб Сао Паоло, а во април оваа година ја заврши својата кариера на возраст од 34 години.