Хаос во Франција по елиминацијата: Градови во оган, повеќе од 140 уапсени по поразот од Шпанија (ВИДЕО)

Поразот на Франција од Шпанија (2:0) во полуфиналето на Светското првенство тешко падна на навивачите на “трикулурите”, а славјето и разочарувањето брзо се претворија во сериозни нереди на улиците.

Во Париз и Лион, каде што илјадници луѓе на плоштадите го следеа дуелот од Далас, по последниот судиски свиреж се распламнаа судири со полицијата и големи инциденти.

Според информациите од француските медиуми, уапсени се дури 141 лице поради учество во нередите и напади врз припадниците на полицијата.

Сцените од двата најголеми француски града потсетуваа на вистинска воена зона. Кон полицијата летаа разни предмети, додека силите на редот со големи напори се обидуваа да воспостават контрола над разулавената маса.

Париз е запален по поразот на 🇫🇷 Франција во полуфиналето од Светското првенство против 🇪🇸 Шпанија.

Неколку часа порано, Макрон се обиде да ја претстави Франција како остров на мирот за време на воената парада.

Ова изгледа како почеток на граѓанска војна… pic.twitter.com/z6DKTcnX0R

— Сумит (@SumitHansd) 15 јули, 2026