На адресата на Реал пристигна понуда од 120 милиони евра, но Перез ги изненади сите со својата одлука

Од Реал Мадрид се очекуваат големи потези во летниот трансфер период, а многумина беа изненадени кога се појави информацијата дека Флорентино Перез одбил понуда од 120 милиони евра за Орелиен Чуамени.

Чуамени на крајот од минатата сезона беше во фокусот на јавноста поради тепачката со Федерико Валверде и се чинеше дека Французинот ќе биде тој што сигурно ова лето ќе го напушти Реал Мадрид.

Иако многумина сметаат дека Валверде е тој што „ги зготвил работите“, очигледно е дека тој во Реал има подобар статус од Чуамени, поради што се веруваше дека на крајот францускиот играч за врска ќе излезе со лоша среќа.

Голем интерес за Чуамени покажа Манчестер Јунајтед, кој дури испратил и понуда за него, но потегот на Флорентино Перез ги изненади сите.

Црвените ѓаволи за репрезентативецот на Франција понудија дури 120 милиони евра и беа многу оптимистични дека Чуамени ќе пристигне на Олд Трафорд, но од тоа нема ништо.

Од Реал решиле да ја одбијат понудата за Чуамени и им порачаа на челниците на Јунајтед дека тој не е за продажба.