Реал потврди за Фран Гарсија

Откако претходно во текот на денот неколку извори објавија дека Фран Гарсија ќе премине во Бетис, сега информацијата беше потврдена од „лос бланкос“.

Во официјално соопштение, објавено на веб-страницата на клубот, се известува дека двете страни постигнале согласност за фудбалерот.

„Реал Мадрид, кој секогаш ќе биде негов дом, му посакува на Фран Гарсија и неговото семејство сè најдобро во оваа нова етапа од нивниот живот“, напишаа во порака до фудбалерот, кој станува дел од академијата на Мадридчани во 2013 година, кога има 14 години, а својот прв професионален договор го потпишува во 2023 година.

Со Реал Мадрид тој освои вкупно пет трофеи – една Лига на Шампиони, една Светска клупска купа, еден УЕФА Суперкуп, една титула од Ла Лига и еден Суперкуп на Шпанија.