Во Баерн пристигнува првото зимско засилување: Неговата сопруга веќе е во Минхен?!

Роберт Левандовски е засега единствена опција во нападот на „Баварците“, па германскиот великан ќе се обиде да го ангажира новиот напаѓач, а изгледа дека изборот падна на фудбалерот на Хофенхајм, Сандро Вагнер.

„Не мислат да го продадат за мали пари, но не очекувавме дека ќе бараат толкав износ. Не мислиме да се расфрламе, но ќе разговараме со тренерот и ако Вагнер му треба, ќе се обидеме да го купиме“, истакна Карл-Хајнц Румениге.

Румениге исто така истакна дека 29-годишниот Вагнер не е единствениот кој би можел да пристигне во јануари, но неговата сорпуга веќе живее во Минхен и чека трето дете, па тоа е добар знак дека Германецот би можел да потпише за „Баварците“.