Дешам го брани Мбапе: Вие го направивте диктатор!

Селекторот на француската репрезентација го заштити својот најголем ѕвезда и објасни зошто јавноста често има погрешна слика за Килијан Мбапе.

Килијан Мбапе ја води Франција во новата битка за титулата светски првак, а неговите игри и однесувањето на терен предизвикуваат големо внимание од јавноста. По обезбедувањето на пласман во осминафиналето на Светското првенство, командантот на „триколорите” беше еден од главните фокуси на прес-конференцијата на селекторот Дидие Дешам.

Еден од француските новинари го праша Дешам за тоа дали смета дека Мбапе созреал како капитен на репрезентацијата за време на овој Мундијал. Потенцираше дека напаѓачот на Реал Мадрид изгледа како вистински лидер на тимот, како на теренот, така и надвор од него, и го праша дали и самиот селектор гледа одредена промена во неговото однесување.

Дешам не се согласи со популарната идеја дека неговиот капитен се променил, туку истакна дека Мбапе од првиот ден има исти карактеристики поради кои му е доверена капитенската лента. Уште еднаш ја искористи можноста да одговори на критиките кои често ги слуша во поглед на оваа фудбалска ѕвезда на Франција.

“Не, тој не се променил. Вие го прикажувате како диктатор”, со насмевка одговори Дешам, јасно ставајќи до знаење дека смета дека јавноста неретко создава погрешна слика за неговиот капитен.

Францускиот селектор потсети дека одлуката за избор на капитен не е направена случајно и дека никогаш не се покајал за неа. Истакна дека од првиот ден има доверба во Мбапе и нема причина да го менува мислењето само затоа што за тоа сè почесто се дискутира на медиумите.