Oва би било спектакл: Ќе заигра ли Леброн со Јокиќ?!

Еден од најголемите кошаркари во историјата, ЛеБрон Џејмс, стана слободен играч откако одлучи да не потпише нов договор со Лос Анџелес Лејкерс. Американските медиуми објавуваат дека новата опција за него би можела да биде Денвер Нагетс.

Нагетс, кои ја освоија титулата во НБА 2023 година, последните неколку години бележат разочарувачки резултати во плејофот, а оттогаш не стигнале подалеку од втората рунда.

Како што пренесуваат медиумите во САД, раководството на Нагетс гледа решение за своите проблеми во плејофот во ангажманот на Џејмс, кој со своите 41 година сè уште игра на врвно ниво.

Со доаѓањето на Џејмс, тој би станал соиграч на Никола Јокиќ.

Денвер се надева дека ќе го искористи пријателството на Џејмс со нивниот претседател Џош Кроенке, и дека повеќекратниот МВП од НБА ќе ја претпочита можноста за успех пред финансиската добивка, имајќи предвид ограничувањата во просторот за плати.

Нагетс веќе имаат над 200 милиони долари обезбедени за следната сезона, што значи дека би требале да разменат неколку играчи за да го ослободат неопходниот простор за Џејмс.

Сепак, како што пишуваат американските медиуми, Денвер не е единствената опција за Џејмс. Поранешниот играч на Лејкерс, Кливленд и Мајами исто така може да се одлучи за Голден Стејт Вориорс, каде што би се обединил со Стеф Кари и Дрејмонд Грин.