ГЕРМАНИЈА беше елиминирана од Парагвај во осминафиналето на Светското првенство. Натпреварот заврши 1:1 по продолженијата, а Парагвај беше подобар во изведувањето на пеналите. Според извештајот на Билд, се разви вистинска драма околу изборот на шестиот изведувач на пенали во германскиот тим.
Како ПАМЕТНО да типувате на World Cup 2026!
Одговорноста на крајот ја превзеде дефанзивецот Јонатан Тах (30), кој и покрај неговото искуство, никогаш порано не изведувал пенал во кариерата. Според германскиот весник, постоеле интерни потешкотии во тимот околу наоѓањето на фудбалери кои се спремни за удар од белата точка.
Несигурност на ѕвездите под притисок
По првобитниот избор на Нагелсман, своите удари веќе ги имаа изведено Каи Хаверц (промаши), капитанот Џошуа Кимих (погоди), Џамал Мусиала (погоди), Ник Волтемад (промаши) и Надием Амири (погоди). Потребно беше да се избере следниот изведувач.
Во тој момент, на теренот беа Леон Горецка, Валдемар Антон, Натаниел Браун, Малик Тиау и голманот Мануел Нојер. Сепак, поради огромниот притисок, овие ѕвезди се двоумеа да ја преземат таа одговорност, па на крај, топката ја зеде Тах кој исто така промаши. За првпат во историјата, Германија е елиминирана од Светското првенство по пеналите. Погледнете ги пеналите помеѓу Германија и Парагвај тука.
Учество во игри на среќа е дозволено за лица со 18+ години. Играј одговорно!