Неверојатни детали: Никој во Германија не сакал да го шутира последниот пенал! (Видео)

Џонатан Тах стана трагичар на Германија откако промаши клучен пенал во натпреварот против Парагвај. Промашувањето не е некое изненадување со оглед на тоа што дефанзивецот на Баерн никогаш во својата кариера не изведувал удар од 11 метри, но она што се случуваше непосредно пред неговото изведување е вистинска бламажа за некогаш ладнокрвната германска репрезентација.

Иако промаши одлучувачки пеналТах е најмалкиот виновник што Германија испадна од Светското првенство. Овој дефанзивец никогаш претходно не изведувал удар од белата точка, а сега беше присилен да го стори тоа.

Причината е неверојатна. Никој од неговите останати соиграчи немаше храброст да тргне кон топката. Тах не можеше да поднесе да го гледа тоа и реши самиот да преземе одговорност.

“По изедначувањето на 3-3 во пенал серијата и откако Мануел Нојер одбрани удар, никој не посака да го изведе шесттиот пенал за Германија,” се истакнува и продолжува:

“Леон Горецка, Валдемар Антон, Натанјел Браун и Малик Тиау се двоумеа и избегнаа да шутираат поради огромниот притисок. Тах кој никогаш претходно во кариерата не изведувал пенал, презеде одговорност и промаши.”

“Само тој имаше храброст да шутира”, беше коментарот на германскиот навивач за оваа ситуација.

Парагвај го искористи третиот удар за победа и се пласираше во најдобрите 16 селекции во светот. Германците се враќаат дома, а за нив ова е апсолутна катастрофа.