Инцидент на Мундијалот: Скандал и тепачка во тимот, драма и на тренингот!

Атмосферата во репрезентацијата на Панама целосно ескалираше пред последниот натпревар од групната фаза на Светското првенство против Англија. На тренингот дојде до жесток судир меѓу Сесилио Вотерман и Хозе Луис Родригез, познат како Пума, а соиграчите мораа да спречат физичка пресметка.

Камерите забележија како вербалната расправија многу брзо прерасна во сериозен инцидент. Вотерман во еден момент агресивно го турна Родригез, по што останатите репрезентативци мораа да го задржат за да не нападне повторно својот соиграч.

Додека напаѓачот на чилеанскиот Универсидад беше видно бесен, заканувајќи се со прст и нервозно шетајќи по теренот, Пума Родригез не покажуваше желба да продолжи со судирот. Вотерман потоа во напад на бес шутна топка, а причината за нивната пресметка засега не е позната.