Меси го подобри рекордот на Клозе и сега е со најмногу голови во историјата на светските првенства

Суперѕвездата на Аргентина и светскиот фудбал Лионел Меси го испрати во историјата рекордот на Мирослав Клозе од 16 голови на светски првенства и сега е единствениот фудбалер со 17 погодоци на Мундијали.

Ова стана факт, откако капитенот на „гаучосите“ даде гол денес на Австрија за 1:0, со што го надмина постигнувањето на германскиот напаѓач, кое што не беше подобрено од 2014 година.

Ова е и четврти гол на Меси на Мундијалот 2026 по хет трикот во првиот натпревар од групната фаза со Алжир (3:0). Порано во натпреварот со австријците, играчот на Интер Мајами пропушти и пенал, но потоа се реваншира на најдобар начин.