Навивачите направија хаос – Обрадовиќ спектакуларно пречекан во Атина (Видео)

Враќањето на Жељко Обрадовиќ, предизвика навистина силни емоции во Атина. Легендарниот српски тренер повторно е со „зелените“, а фановите на Панатинаикос му организираа спектакуларен пречек во неговиот нов дом.

Уште од раните утрински часови во главниот град на Грција се чувствуваше дека е посебен ден за „детелините“. Но вистинска фестивалска атмосфера се разви во „Т центарот“, каде се собраа повеќе од 3.000 приврзаници на Панатинаикос. Факли, знамиња, песни и извици на името на најтрофејниот европски тренер го направија пречекот како славје по освојување на некој голем трофеј.

За многу фанови на атинскиот клуб, ова враќање не е обично. Обрадовиќ е човекот кој во текот на повеќе од десет години донесе пет титули на првак на Европа, 11 шампионати на Грција и седум национални купови на Панатинаикос, поставувајќи ги „зелените“ на врвот на најуспешните на Стариот континент. Затоа, неговото враќање предизвика голема возбуда меѓу приврзаниците на клубот, кои Жељко го гледаат како симбол на најуспешната ера во историјата на Панатинаикос.

Кога се појави пред своите обожаватели, Обрадовиќ беше пречекан со громогласни аплаузи додека ја минуваше салата. Покрај него стоеше Димитрис Јанкопулос, сопственикот на клубот, кој се смееше и го водеше Жељко низ масата од луѓе.

Ο Ομπράντοβιτς γνώρισε την αποθέωση στο «T-Center» από τον κόσμο του Παναθηναϊκού#ingr #παναθηναικος #obradovic #coach #επιστροφη pic.twitter.com/lzpgLJU4FO

— in.gr/news (@in_gr) June 22, 2026

Le retour de Zeljko Obradovic a l’OAKA 🤯🔥 pic.twitter.com/Ss3nV9kpx5

— OOC EuroLeague France (@OOCEuroLeagueFr) June 22, 2026