Инфантино во соблекувалната на Иран! Снимен разговорот на претседателот на ФИФА со револтираниот тим (Видео)

Двајца ирански играчи и селекторот Амир Галеној изразија незадоволство заради органичувањата во патувањата кои, според нив, влијаат на подготовките и настапот на тимот на Светското првенство.

По натпреварот со Нов Зеланд кој заврши 2:2, Галеној, напаѓачот Мехди Тареми и стрелецот на голот Мохамад Мохеби истакнаа дека биле принудени веднаш да се вратат во базниот камп во Мексико, само неколку часа по натпреварот одигран во понеделник на стадионот „СоФи“ во близина на Лос Анџелес.

Тареми и Галеној изјавија дека тимот очекувал да може да одржи тренинг за закрепнување во Лос Анџелес во вторникот, ден по натпреварот, но добиле информација дека тоа не е возможно.

„Ни рекоа дека мора веднаш да заминеме“, рече Галеној преку преведувач. „Ова ни создава навистина голема мака. Искрено, не ни е јасно зошто не враќаат назад. Се чини како други луѓе да планираат за нас.“

Тој додаде: „Нашиот тим е најнастрадан на целото Светско првенство.“

Галеној и играчите ги споменаа и постојаните проблеми со визите за САД. Официјалните лица од Фудбалскиот сојуз на Иран за Атлетик изјавија дека 11 членови на персоналот биле одбиени за влез во Соединетите Американски Држави.

По мечот, претседателот на ФИФА, Џани Инфантино, ја посети соблекувалната на тимот.

„Знам низ што поминувате, ве разбирам“, им рече Инфантино на играчите.

„Но, вие сте посилни од сè и испраќате моќна порака до целиот свет.“ Потоа, тој внимателно го слушаше Галеној, кој се обрати со напомена за потребата ФИФА да биде силна, според видеото споделено од новинарот на Таснима, Хатам Ширализадех.

🚨🤯🇮🇷🇺🇸 BREAKING: Gianni Infantino visited the dressing room of the Iran national football team after their World Cup match and praised the team for their spirit and performance.

Iran head coach Amir Ghalenoei then hit out at what he described as unfair treatment of his side…

— GoalAlert HQ ⚽️ 🥅 (@GoalAlertHQ) June 16, 2026