Лукаку помогна на Белгија за бод против Египет

Екипите на Белгија и Египет одиграа реми од првото коло во групата “G” на Светското првенство во фудбал.

Натпреварот на стадионот во Сиетл заврши со резултат 1:1. Емам Ашур донесе водство за “фараоните” во 19-тата минута, но автоголот на Мохамед Хани во 66-тата минута го врати израмнувањето. За израмнувачкиот гол голема заслуга има и Ромелу Лукаку, кој само секунди порано се појави на теренот, но токму неговото присуство во шеснаесетникот го принуди одбранбениот играч на Африканците да ја прати топката во сопствената мрежа.

Денес беше и роденденот на ѕвездата на Египет Мохамед Салах, кој асистираше за погодокот на својот тим, но не успеа да си направи подарок со првата победа за неговиот тим на светските првенства.