Валенсија избра: Ова е најдобрата одбрана на Димитриевски сезонава (Видео)

Македонскиот репрезентативен голман Столе Димитриевски доби уште едно признание од својот клуб Валенсија, кој ја избра неговата најдобра одбрана во сезоната што измина.

Димитриевски во повеќе наврати блескаше меѓу стативите на шпанскиот тим, а клубот во изминатите денови преку своите канали ги потсети навивачите на највпечатливите интервенции на Македонецот.

За одбрана на сезоната беше прогласена неговата спектакуларна реакција на натпреварот против Виљареал, кога со неверојатен рефлекс успеа да го сочува својот гол и да спречи сигурен погодок.

Интервенцијата веднаш го привлече вниманието на фудбалската јавност и уште еднаш потврди зошто Димитриевски беше меѓу најстандардните и најсигурните поединци во составот на Валенсија.