Видео: Мајами влегува во серија, Мемфис тоне!

Кошаркарите на Бруклин му го нанесоа осмиот послднователен пораз на Мемфис, а победи во НБА лигата забележаа и Минесота и Мајами.

Тимот на Мајами влегува во победничка серија благодарение на игрите на Горан Драгиќ кој успеа да запише 24 поени и беше најзаслужен за победата против Чикаго Булс, со резултат од 100:93.

Бруклин ја прекина низата од три порази во низа, додека Мемфис продолжи со лошите партии и го запиша осмиот пораз во низа. Најефикасен во победничкиот тим беше Демар Керол со 24 поени, Тревор Букер додаде 16. А Харис Џое три поени помалку. Во редовите на Mемфис се истакнаа Mарк Гасол и Тајрик Еванс со по 18 постигнати поени.

Кошаркарите на Минесота го победија Феникс со 119:108 предводени од Карл-Ентони Таунс, кој мечот го заврши со 32 поена, 12 скокови и две асистенции. Него најдобро го следеше Џими Батлер со 25 поени, додека Ендру Вигинс додаде 21.