Холандскиот стратег Арне Слот (47) веќе не е менаџер на Ливерпул. Ова е ексклузивна вест која првично ја објави италијанскиот новинар Фабрицио Романо, а наскоро потоа беше и официјално потврдена од страна на славниот клуб.
Одлуката беше донесена по темелна анализа на резултатите и разговори помеѓу Слот и управата на клубот од Енфилд.
Зошто проблемот со улични кучиња СÈ УШТЕ постои? | Уште еден поткаст
Овој развој на настаните е еден од најголемите шокови во европскиот фудбал ова лето, ако се земат предвид очекувањата кои го следеа пристигнувањето на Слот на тренерската позиција во Ливерпул како наследник на Јирген Клоп.
Холанѓанецот пристигна на Енфилд во 2024 година, по успешен период во Фејенорд. Во првата сезона освои титула во Премиер лигата, но во втората сезона неговиот тим не ги исполни очекувањата.
Управниот одбор на клубот му даде поддршка на Слот за време на минатогодишниот летен трансфер период, кога на Енфилд дојдоа големи имиња како Александер Исак, Флориан Виртц и Хуго Екитике.
Сепак, и покрај значителните инвестиции, Ливерпул ја заврши сезоната без освоен трофеј, што на крајот доведе до раскин на соработката со холандскиот тренер.
Кандидат кој се спомнува за испразнетото место е тренерот на Борнмут, Андони Ираола.
Шпанецот остави одличен впечаток во Премиер лигата и веќе извесно време е на радарот на неколку големи европски клубови.
Учество во игри на среќа е дозволено за лица со 18+ години. Играј одговорно!