Модриќ в недела се збогува од Милан?

Милан во недела на „Сан Сиро“ игра против Каљари, а стадионот повторно ќе биде исполнет до последно место. Се очекуваат над 70 илјади навивачи кои ќе дојдат да ја поддржат екипата во клучниот натпревар за обезбедување пласман во Лигата на шампиони. Ова ќе биде последниот домашен настап оваа сезона и целосна спротивност на атмосферата од претходниот натпревар против Аталанта, кој го одбележаа протести и заминување на навивачите од трибините по поразот од 0:3.

За навивачите на Милан, ова ќе бидат последните 90 минути поддршка на домашниот терен, со надеж дека натпреварот ќе се претвори во прослава. Истовремено, ова ќе биде прилика за простување од играчите на кои можеби им завршува циклусот во клубот (Фофана, Томори или Леао), но и за гласно повикување на Лука Модриќ да остане уште една година. На остатокот од екипата навивачите ќе му дадат поддршка за следната сезона.

Да потсетиме, италијанските медиуми пишуваа по доаѓањето на Модриќ во Милан дека капитенот на хрватската репрезентација и славното име од Сан Сиро договориле едногодишна соработка со можност за продолжување за дополнителна сезона. Влезот на клубот во Лигата на шампиони би можел да има клучна улога во ова.

Како што беше пишувано, главниот мотив за Модриќ е можноста кариерата да ја заврши натпреварувајќи се на највисоко европско ниво. Останувањето на Сан Сиро би му овозможил да проба да се избори за уште еден настап во Лигата на шампиони.