Паднаа важни потписи: Вардар ги продолжи договорите со четири играчи

По освојувањето на шампионската титула во Првата македонска фудбалска лига, најтрофејниот клуб во земјава, Вардар, започна со задржување на костурот на тимот за наредната сезона.

„Црвено-црните“ ја потврдија соработката со четворица фудбалери, со кои се потпишани нови едногодишни договори.

Станува збор за голманот Методија Велковски, дефанзивецот Ненад Мишковски, како и играчите од средниот ред Филип Дурански и Горан Закариќ.