Антонио Конте ќе се раздели со Наполи по две години успешна работа, период во кој му донесе четврти шампионски трофеј во италијанското првенство, пишува Sky Italia. Официјалната потврда за разделбата се очекува за време на последниот домашен натпревар оваа сезона на стадионот “Диего Армандо Марадона”, со што се затвора едно успешно поглавје.
Зошто проблемот со улични кучиња СÈ УШТЕ постои? | Уште еден поткаст
Конте заминува иако имаше договор кој ќе траеше до летото 2027 година. Според информациите, италијанскиот стратег се откажа и од годишната плата од седум милиони евра, која ја имаше според договорот. Овој потег дополнително покажува дека одлуката за разделба е конечна.
Во своето време на кормилото, Конте целосно ја промени менталната структура на тимот и го направи Наполи повторно конкурентен за најголемите трофеи. Освоеното Скудето беше од особено значење, бидејќи го врати клубот на врвот на Серија А по турбулентен период и големи промени во соблекувалната. Под водство на Конте, Наполи играше агресивен, интензивен и тактички дисциплиниран фудбал, па навивачите брзо го прифатија како еден од клучните луѓе на новата успешна ера.
Италијанските медиуми веќе шпекулираат за можните наследници, а пред управата на Наполи е задача да најде тренер кој ќе може да го продолжи проектот по едно од најуспешните периоди во последните години. Конте остава зад себе шампионски тим и статус на човек кој повторно го разбуди Наполи.
Учество во игри на среќа е дозволено за лица со 18+ години. Играј одговорно!