Играчот на Манчестер Сити Бернардо Силва се јавувал на Кристијано Роналдо и на некои други играчи, за да праша какви се условите во Јувентус. Тој разговарал и со Жоао Кансело и Данило.
Се очекува 31-годишниот Силва да го напушти “граѓаните” по завршувањето на сезоната, кога му истекува договорот со нив.
Според “Тутоспорт”, Јувентус е спремен да му понуди на Бернардо договор на неколку години и плата од 6 милиони евра по сезона плус бонуси. Интересот за Силва е сериозен.
За неговиот потпис се борат уште Барселона и Галатасарај, каде што играат неговите поранешни соиграчи Илкај Гундоган и Лерој Сане. Турскиот гигант е спремен да понуди 10 милиони евра годишно за неговата плата. Покрај тоа, има интерес и од клубови од Саудиска Арабија и САД, а неговиот роден клуб Бенфика исто така размислува да му понуди договор.
Учество во игри на среќа е дозволено за лица со 18+ години. Играј одговорно!