Фудбалер на Порто нападнат со нож во сопствениот дом – ќерката била сведок на страшната сцена!

Вистинска драма го потресе Португалија и Порто, откако полскиот дефанзивец Јан Беднарек доживеа брутален напад во својот дом!

Сè се случи во вечерните часови, кога Беднарек се врати дома по вечера и затекна ужасна сцена – неколку непознати лица веќе биле во неговиот дом во Порто. Според најавите, се работи за група од пет напаѓачи, кои зборувале шпански.

Ситуацијата во секунда излезе од контрола. Еден од провалниците извадил нож и почнал да му се заканува на фудбалерот, додека во куќата се одвиваше сцена налик на трилер – и тоа пред очите на четиригодишната ќеркичка на полскиот фудбалер, која во тој момент била дома.

Истражувањето укажува дека напаѓачите веројатно претходно го следеле движењето на играчот и чекале момент кога куќата е празна, но враќањето на Беднарек целосно ги изненадило и им го расипало планот.

За среќа, физички повреди немаше, но семејството помина низ голем шок и трауматично искуство кое ќе го паметат долго. Крадците, според првите информации, однесле вредни предмети – вклучувајќи часовници, накит и бурми, со вкупна вредност околу 150.000 евра.