Англискиот премиерлигаш Астон Вила и германскиот состав Фрајбург ќе се борат за трофејот во Лига Европа, откако успешно ги минаа полуфиналните пресметки и обезбедија место во големото финале.
Тимот од Бирмингем одигра доминантен реванш против Нотингем Форест и со убедливи 4-0 ја потврди визата за финалето, откако првиот меч заврши со минимална предност за Вила. Домашните поведоа преку Оли Воткинс во 36. минута, а во второто полувреме целосно го скршија отпорот на противникот. Емилијано Буендија беше сигурен од белата точка за 2-0, по што Џон Мекгин со два гола стави печат на убедливиот триумф и вкупни 4-1.
Во второто полуфинале, Брага рано си ги искомплицира работите на гостувањето во Германија. Португалскиот тим уште во шестата минута остана со играч помалку, што Фрајбург знаеше максимално да го искористи. Кублер и Манзамби донесоа 2-0 уште во првиот дел, а истиот фудбалер подоцна погоди и за убедливи 3-0.
Брага преку Виктор успеа да намали на 3-1 и за момент да ја врати неизвесноста во двомечот, но гостите немаа доволно сили за уште еден погодок кој ќе ги однесеше натпреварите во продолженија. Така, германскиот тим со вкупни 4-3 обезбеди историско финале во Лига Европа.
Учество во игри на среќа е дозволено за лица со 18+ години. Играј одговорно!