Седлоски со порака до Босанците: Доаѓаме да ве победиме!

Македонија ќе одигра пријателски натпревар против Босна и Херцеговина, а селекторот Гоце Седлоски во интервју за „вјести.ба“ ги кажа очекувањата.

Седлоски вели дека доаѓаат на „Кошево“ на 29 мај за да победат, а овој натпревар ќе им служи на босанските репрезентативеци како подготовка за настап на Мундијалот.

„Ѝ честитам на БиХ за пласманот на Мундијалот. Верувам дека можат да направат голем резултат. Ви посакуваме сè најдобро, но на Кошево сакаме да уживаме и да ве победиме“, кажа Седлоски.