Атлетико оштетен три пати за пенал против Арсенал? Еве ги спорните моменти

АТЛЕТИКО МАДРИД беше исфрлен од Арсенал откако загуби со 1:0 на реваншот на „Емирејтс“. Единствениот гол на натпреварот го постигна Букајо Сака во 45. минута, но во фокусот на јавноста се најдоа три поединечни моменти во кои играчите и навивачите на Атлетико сметаа дека се ускратени за пенали.

Туркањето со Калафиори врз Симеоне

Првиот спорен момент се случи по долга топка во длабочина во првото полувреме. За неа се бореа Џулиано Симеоне и Рикардо Калафиори, а на крај ситуацијата заврши така што Италијанецот го турна синот на тренерот на Атлетико во казнениот простор. Ситуацијата не беше прегледана поради офсајд, но сликата што ја сподели самиот Симеоне на неговиот Инстаграм профил ја доведува во прашање правилноста на одлуката.

Џулиано Симеоне објави слика од таканаречениот офсајд од синоќешната вечер, по туркањето од Калафиори на земја во казнениот простор на Арсенал. pic.twitter.com/KyFkIByYON

— Atletico Universe (@atletiuniverse) May 6, 2026

Рушењето на Габриел врз Симеоне

Вториот спорен момент се случи во 50. минута од натпреварот. Нова топка во длабочина што Симеоне успеа да ја прими и го заобиколи голманот, но Габриел стигна навреме од зад него и ја отстрани опасноста. Играчите на Атлетико повторно се жалеа, верувајќи дека бразилскиот стопер го фаулирал Аргентинецот и дека требало да биде казнет. Моментот можете да го видите ОВДЕ.

Газењето врз Гриезман од страна на Калафиори

Најспорниот момент се случи во 56. минута. По ударот на Гриезман, Марк Пубил беше во дуел со Габриел на изблокираната топка и стоперот на Арсенал извојува спорен прекршок. Во продолжение на акцијата, топката се врати до Гризман и тогаш Калафиори очигледно го нагази. Пеналот не беше проверен поради спораниот прекршок на Габриел кој беше суден претходно. Ситуацијата можете да ја видите ОВДЕ.