Пристигна понуда која би можела експресно да го „избрка“ Нико Паз од Реал Мадрид?!

Нико Паз ќе се врати во Реал Мадрид ова лето, но би можел експресно да замине назад во – Италија!

Доверливи аргентински извори тврдат дека Интер сериозно е заинтересиран за него и дека би сакал да го откупи од Реал Мадрид. Мадриѓаните имаат право да го откупат ова лето за само 9.000.000 евра, што е вистинска ситница ако се има предвид колку денеска вреди Нико Паз.

Се шпекулира дека Интер би можел да плати и над 60.000.000 евра за неговиот трансфер, но во Реал прво сакаат да видат дали се вклопува во системот на новиот тренер.

Не е тајна дека Алваро Арбелоа ќе го напушти клубот на крајот од сезоната, не ги исполни очекувањата, проблемите внатре во соблекувалната повторно му „пресудија“ на тренерот и затоа е многу важен новиот избор.

Што се однесува до Паз, тој исто така треба да размисли што е најдобро за неговата кариера, бидејќи конкуренцијата во Реал најмалку е пеколна. На позицијата офанзивен везен и/или десно крило каде би можел да игра како Браим Дијаз оваа сезона, веќе се и Џуд Белингем и Арда Гулер, така што никој не може да му гарантира на Паз сигурни минути и важна улога.

Од друга страна, во Интер се подготвуваат на комплетна реконструкција на тимот, и покрај освоениот Скудето. Хенрик Мхитарјан е ветеран и заминува, Хакан Чалханоглу е во зрелите години, Николо Барела значително опадна во форма, така што на Интер му е преку потребна свежа крв во средниот ред.