По 735 натпревари во кариерата се пензионираше еден од милениците на Фергусон

Истакнатиот дефанзивец на крило, Ешли Јанг, реши да го заврши своето професионално играње фудбал по повеќе од две децении посветени на овој спорт.

Неговото повлекување беше потврдено на Твитер од страна на поранешната ѕвезда на Англија и Манчестер Јунајтед, кој сега е фудбалер на Ипсвич од 2025 година.

“Од Сефтон Роуд до Викариџ Роуд, преку Вила Парк, Вембли, Олд Трафорд, Сан Сиро, назад до Вила Парк, па Гудисон Парк и конечно до Портман Роуд. Тоа беше патување што само го сонував како дете! Но, сонот мора да има крај, а сабота можеби ќе биде мојот последен натпревар како професионален фудбалер. По 23 години заминувам.”, објави Јанг.

Тој истакна дека ова може биде последен натпревар бидејќи сè уште не е јасно дали Ипсвич ќе обезбеди директна промоција или ќе оди во плејофот за влез во Премиер лигата. Доколку немаат директен пласман, Јанг ќе го одигра барем уште еден натпревар во плејофот пред да се збогува.

Јанг ќе се пензионира како една од последните икони на Манчестер Јунајтед од времето на Алекс Фергусон. Беше дел од последната шампионска генерација на Црвени ѓаволи во 2013 година.

Во текот на кариерата играше и за Интер, Астон Вила, Евертон, Вотфорд, а сега за Ипсвич. Во англиската репрезентација забележа 39 настапи и постигна седум голови.