Фудбалерите на Минхенски Баерн во вторник ќе се соочат со првиот полуфинален натпревар од Лигата на шампионите против Пари Сен Жермен, но ќе мораат да се соочат со отсуството на Рафаел Гереро.
Искусниот Португалец во саботната средба од Бундеслигата против Мајнц заработи повреда на задната ложа, која ќе го оддалечи од терените за некое време.
Исхрана, повреди и тренинг – совети од доктор по спортска медицина | Уште еден поткаст
Времетраењето на рехабилитацијата на Гереро останува непознато, но германските медиуми сугерираат дека крилниот фудбалер би можел да отсуствува подолго.
Ова е значителен удар за тимот на Винсант Компани, кој ќе треба секој играч во ротацијата додека се стреми кон тројна титула сезонава.
Баварците веќе официјално ја одбранија титулата во Бундеслигата, а покрај завршницата на Лигата на шампионите, ги очекува и финале во Купот на Германија против Штутгарт.
Рафаел Гереро сезонава одигра 27 натпревари за Баерн во сите натпреварувања, со ефект од шест гола и три асистенции. Во последните три средби на германското првенство постигна два гола, а во овој момент на добра форма нема да може да им помогне на соиграчите во важните мечеви.
Учество во игри на среќа е дозволено за лица со 18+ години. Играј одговорно!