Комо нема да му го попречува патот кон среќата – Фабрегас се враќа во Англија?

Фото: Принтскрин

Талентираниот шпански тренер Сеск Фабрегас би можел наскоро да се врати во Челси откако претседателот на Комо, Мирван Суварсо, потврди дека овој клуб нема да му стои на патот на младиот стратег доколку посака да се испроба во Премиер лигата.

По заминувањето на Лијам Розениор се ослободи местото шеф на стручниот штаб на Челси, а името на Фабрегас несомнено е на листата на приоритети на лондонскиот клуб, кој сака да се врати на патеките на старата слава.

Иако со текот на времето Фабрегас стана симбол на Комо, бидејќи го воведе во Серија А и купи дел од акциите на клубот, јасно е дека Шпанецот не е врзан за симпатичниот тим од северна Италија.