Неправдата кон Модриќ го прогонува „кралевите“ – неверојатно што одлучи Перез!

Шпанските медиуми веќе со денови гласат дека ќе се случат големи промени во играчкиот состав на Реал Мадрид, затоа што Флорентино Перез е лут по испаѓањето од Лигата на шампионите. Иако многу играчи ги отпиша, за еден се уште нема донесено одлука, сето тоа поради Лука Модриќ.

Реал ја заврши сезоната во Лигата на шампионите со пораз во четвртфиналето од Баерн и како што стојат работите, ова ќе биде веќе втора година по ред што ќе ја завршат без освоен трофеј.

Единствената надеж им останува за Ла Лига, но и таму тешко дека ќе направат чудо затоа што заостануваат дури девет бода зад лидерот Барселона.

За клуб од реноме какво што е Реал Мадрид, јасно е дека катастрофа е фактот дека веќе две години ништо не имаат освоено, што предизвика големо незадоволство кај претседателот Флорентино Перез.

Со денови шпанските медиуми наведуваат дека Перез ќе направи „чистка” во соблекувалната на кралскиот клуб и дека сè ќе започне со промена на тренерот, но и дека ќе се обиде да продаде неколку првотимци од тимот.

Исто така, ќе има и оние на кои ќе им се заблагодари за соработката и нема да им се продолжи договорот, но само еден човек е голема непознаница за Перез.

Се работи за капитенот на Реал Мадрид, Дани Карвахал, кој има договор до крајот на сезоната, а во тековната се нема наиграно откако Трент Александер-Арнолд се приклучи на клубот, покрај тоа што имаше и одредени проблеми со повредите.