Реал Мадрид го објави списокот на играчи за возвратниот натпревар од четвртфиналето на Лигата на шампионите против Баерн, кој ќе се игра во среда во 21 часот на Алијанц Арената. Баерн во првиот натпревар славеше со 2:1. Најголемото изненадување е изоставувањето на дефанзивецот Раул Асенсио (23). Иако Асенсио минатиот петок одигра сите 90 минути против Џирона, не се најде на списокот за патување во Минхен. Од клубот неофицијално порачаа дека причината е гастроентеритис, но нема официјално медицинско соопштение, пишува Марка.
Името на Асенсио беше изоставено од списокот шест дена откако истиот портал откри дека дојде до несогласувања помеѓу него и тренерот Алваро Арбелоа. Арбелоа го исклучи откако Асенсио ја критикуваше одлуката на тренерот да го стави на клупата во првиот натпревар против Манчестер Сити, одигран на 11 март во осминафиналето на Лигата на шампионите.
Исхрана, повреди и тренинг – совети од доктор по спортска медицина | Уште еден поткаст
Натпреварот со премиерлигашот го започна на клупата откако пет дена претходно играше во победата против Селта Виго од 2:1, иако имаше болки во вратот. Арбелоа бараше извинување од Асенсио пред да го врати во тимот. Долго му требаше да го стори тоа, по што беше вратен во тимот за натпреварите против Мајорка и Баерн, но во ниту еден не настапи.
Учество во игри на среќа е дозволено за лица со 18+ години. Играј одговорно!