Стојановски: Најважна беше победата која ја посакувавме

Капитенот на македонската кошаркарска репрезентација, Војдан Стојановски ја предводеше Македонија во триумфот против Словачка, заедно со својот нов колега во националниот дрес, Ричард Хендрикс.

Стојановски потенцира дека ова се важни бодови кои ги освоила нашата селекција.

„Ова е голем триумф за нас, одигравме одлично, особено во одбраната. И покрај тоа што во некои сегменти потфрливме во второто полувреме, сепак на крајот славевме. Најважна беше победата, ја посакувавме“, истакна Стојановски.